港股上周五急升一千點，令本來的減倉大計猶豫不決。然而晚上美股再度大跌千點，明天港股大概又血流成河了，減倉自然也難以狠下決心。
經過兩次固定收益洗倉，帳面一度慘負50%。周四、五市場回復理性，低位彈上後帳面仍有約40%的虧損。要追平大概很難，只是若以現金流的角度看，只要公司不倒閉，每月仍可繼續收息。但若再遇上洗倉，爆倉的話就無仇報了。
此役好多戰友都自爆或被斬倉，原因就是不敵固定收益的斬倉潮。債＋優先股／ETD也佔我大半倉位，當然佔了40%虧損的大部分。許多人都說不再沾手高收益債和優先股，那麼我是否應減持，轉為ETF？
只是帳面輸得太多，狠不下心腸。優先股／ETD共佔我倉位25%，比例上算是頗重。共有五隻：ATCO-I，TOO PRE，NSS，NGHCZ和TDJ。大概，我都會繼續持有，等待回到25元的時候，畢竟五間公司都沒有倒閉的危險。只是需要稍為減持ATCO-I和NSS，因為兩者在首個洗倉日都有增持。
調整目標是優先股／ETD佔倉位20%。雖然比例仍偏重，但經過兩次洗倉後，風險也不太高，始終最主要的因素仍是公司能否繼續經營下去。若真能回到25元的水平，就減持轉為ETF吧！只有ATCO-I和NSS會繼續持有到被收回為止。
之前無諗過流動性可以一下子就無晒，今次學到就係槓桿唔好長開，而且唔好走去借啲避險貨幣。因為有乜事呢堆避險貨幣實升，咁係將個風險再加大...
回覆刪除經過今次我開始懷疑收息係咪真係咁重要。收息收到5-8% 已經相當唔錯，但一般成長股係講緊1x-2x%，就當我地選唔到咩係成長股，股市平均成長其實都有5-10%。如果收息股其實無減低個波動性，咁點解我唔走去買成長股或者ETF 呢?
或者咁講，我開始懷疑只收息而唔能夠從企業成長得益呢個策略係咪真係 work。當然，留一定倉位買定息產品當防守係可以，但呢類東西其實夠唔夠防守性呢? 近排要諗下呢個問題呢...
師兄我唔知你由幾時開始收息，我就由睇到風兄個BLOG開始。我諗，懶系收息同買股投資係兩個方向。炒賣在於銀碼增值，即係身家數字既加增;懶系收息就在於現金流，只要每月有足夠金錢便可，身家數字並唔重要。
刪除當然，風兄可以成功有幾個因素,最重要係個POOL夠大。所以之前我都諗過，本金少是咪適合主力做收息? 而今次固定收益重創，但坦白講若佛系無視，除非公司倒閉，理論上可繼續現金流，而帳面也總會回到起點。
不過師兄講既ETF都係我諗既方向。唉，由港細股到大股，由收息股到債reits，全部受創。。。
咁又係。因為自己有正職，股息的現金流都只係放喺戶口等機會再買嘢。相對起黎其實價差對我黎講重要啲。
刪除個Pool 有返咁上下大(例如一千萬)，夠分散的話合埋眼唔睇價格變化，最多預1成當佢會違約咁其實我都覺OK。可惜自己身家有限，要賺到等於正職人工就要做孖展，結果一個浪打埋黎就唔知沖左去邊了。
雖然而家無咁瘋狂大減價，但市面好多優先股同債仲做緊七折傾銷。問題在於呢個時勢我地夠膽落幾重注呢...
係,夠膽買,就算今日先買新加坡reits,etd,債，都一定收獲甚豐。問題係， 如果聽日又洗倉，我地坐唔坐到。。。
刪除我咁諗啦~係大趺市~無資產可以避得開大趺~除了現金外^^不如我直接集中買指數好過~起碼指數已幫我分散~如資金唔多~起瑪我都只係集中一隻股票去做相關策略~不斷投入/減少~
刪除先前我都放曬所有優先股加債~那時晚晚見趺10-20% 個心真離一離,真無想過可以趺得急過股票羅~加上見大盤不斷趺~一諗我何不跟大盤指數就算呢~就一下清曬所有~即轉入指數就算吧~起瑪訓得著覺羅~
回覆刪除轉踢ETF相信都係好多人既諗法。。。師兄打算玩邊隻？我諗緊2800＋QQQ／SPY＋TLT。
刪除